Why I left my country (in kurdish)
بۆ چومه هه‌نده‌ران
به‌ره‌ی یه‌کگرتوی چه‌کو جه‌هلو ماڵ
وا کوردستانی کرده کۆی زوخاڵ
ووڵات وێرانه مله‌ت برسییه
ده‌زگای شه‌ر له سه‌ر پاه‌رو کورسییه
نه‌زانو نه‌فام خاوه‌نی چه‌کن
نه‌یارو دڕن وه‌ک تووله‌ی سه‌گن
جامانه لاره یا کڵاو مه‌ره‌ز
ره‌وتی ئه‌نتیکه , مل خوارو شان به‌رز
به ته‌په‌ی زل زل پێش ئه‌نێ له ئه‌رز
هه‌ر ئه‌ڵێی خودا بۆی ناردوێن به قه‌رز
لێره حاڵ وایه ڕێمان لێ ونه
که‌شتیوان جه‌رده‌و ده‌ریاش بێ بنه
دنیاش تۆفانه بارانه بایه
له مژده‌ش ده‌نگی چرپه‌یه‌ک نایه
ماڵم حه‌ڵاڵه خۆێنم حه‌ڵاڵه
ژیانم لێره ئیتر مه‌حاڵه
چیم داوه لێره ئه‌ڕۆم با وێڵ بم
پێش ئه‌وه‌ی له ڕێ لاده‌مو گێل بم
ئه‌ڕۆمو دڵم به پێ ئه‌شێلم
کوردستان ئیتر به‌جێت ئه‌هيڵم
به‌ڵام من به دڵ ئه‌وه‌م مڕاده
ڕۆژێک بێمه‌وه تۆ دڵت شاده
کاتێ زانیاری رابه‌ره‌و زاده
چه‌ک له مه‌شجه‌به‌و عه‌قڵ ئازاده
¤ ¤ ¤ ¤ ¤ ¤ ¤
چۆن ڕۆشتم ؟
له ده‌‌ست ئه‌وجوره‌‌ی بینیمو نۆشتم
كه‌‌لوپه‌‌لو خۆم به‌‌خشیو فرۆشیتم
به دڵی شكاو چاوی پڕ فرمێسك
به‌‌ره‌‌و غه‌‌ریبی ڕۆشتمو ڕۆشتم
by Tahir Baban
tahirbaban@yahoo.se
Poetry by tahir baban
Read 636 times
Written on 2010-01-07 at 23:00
Save as a bookmark (requires login) Write a comment (requires login) Send as email (requires login) Print text
