To a dansing woman (in kurdish)
پێشكه‌ش به ئافره‌تێكی هونهرمهندئهی په‌ری شانۆۆ، نه‌ترسی ئازا
چه‌ند جوان ئه‌جوڵێی له گه‌ڵ ئاوازا
ڵه‌نجه‌ت له باوه‌ش سه‌متورو سازا
بوكی تازه‌یه له به‌رگی نازا
ئه‌ی په‌ری كاتێ تۆ سه‌مائه‌كه‌ی
گیانت تێكه‌ڵی مۆسیقا ئه‌كه‌ی
شانۆ به جارێ وا ئاوا ئه‌كه‌ی
ته‌ماشاكه‌ران خه‌مڕه‌وا ئه‌كه‌ی
وا ئازاو زیره‌ك له كاری خۆتا
چی له‌وه زیاتر ته‌مه‌نا ئه‌كه‌ی
ئێمه هه‌مومان وا هاتوینه جۆش
چاو له دوی له‌نجه‌و بێ بادە سه‌رخۆش
بێ درۆو ڕییا وەعزو قسه‌ی بۆش
هه‌مو له‌نجه‌یه‌ك دێنێ سه‌د كڕنۆش
خه‌نده‌ی ئاوازه‌و دڵم بێ خه‌مه
چاو له دوی له‌نجه‌و كاسم لای ده‌مه
وه‌لێ سه‌رخۆشی نازو له‌نجه‌ی تۆم
چۆنت لێ بدوێم هێشتا هه‌ر كه‌مه
كه دێیته پێشێ یا ئه‌چیته‌دوا
چاوی هه‌مومان به دوتا ئه‌ڕوا
له‌نجه به له‌نجه چاومان له‌دوته
چرپه‌یه‌ك وون بی هه‌مو ئه‌لێن كوا
تۆ له كێۆ هاتوی كیژی ماڵئاوا
بۆ دڵته‌نگ شانۆت كردۆته مه‌ئوا
ناحه‌زان هه‌ر چی ئه‌ڵێن با بلێن
تۆی دیاری ئاسمان تۆی فریشته‌ی خوا
ته‌لیسمی له‌نجه‌ت هونه‌ر ئه‌نۆێنێ
له دڵا یادی گوڵێك ئه‌چێنێ
ئاهه‌نگو سه‌ماو به‌زمی ئه‌م شه‌وه‌ت
تۆبه‌ی سه‌د موفتیو مه‌لا ئه‌شكێنێ
به‌ڵام به‌ڕێزم چونكه ئافره‌تی
دیاره دوچاری گه‌لي محنه‌تی
جارجار مه‌جبوری ده‌ستی مه‌ینه تی
به‌ڵام هه‌ر توندی پر له هه‌ڵمه‌تی
زۆر كه‌س حه‌سودی به توانات ئه‌به‌ن
ئه‌تۆ نمونه‌ی به‌رزی همه‌تی
by Tahir Baban
tahirbaban@yahoo.se
Poetry by tahir baban
Read 696 times
Written on 2010-01-07 at 22:45
Save as a bookmark (requires login) Write a comment (requires login) Send as email (requires login) Print text
